Il-Ministru tal-Finanzi, Edward Scicluna, iddeskriva l-iskema tas-self li ħareġ biha l-PN bħala “pyramid scheme” u waħda li turi kif il-PN għandu problemi mal-banek.
Huwa ddikjara dan fis-seduta parlamentari tal-lejla, li fiha ġie diskuss l-abbozz ta’ liġi li se jemenda diversi liġijiet relatati mal-qasam tas-servizzi finanzjarji.
Scicluna qal li l-iskema taċ-ċedoli li ħareġ biha l-PN hija “pyramid scheme” għax kieku mhux issikkat kien jissellef mingħand xi bank mhux mingħand il-pubbliku u jħallas rata għolja. “Bilfors għandek il-problemi mal-banek biex tissellef mingħand nies li lesti jissugraw. Il-biża’ tiegħi li jkun hawn ħaddieħor li jikkopja din l-idea u poplu jingidem kif ingidem f’”pyramid schemes” oħra.
Huwa qal li l-“pyramid schemes” jagħtu l-impressjoni li dak li jkun huwa b’saħħtu, jispiċċa jissellef flus kbar, jagħti imgħaxijiet kbar, juża d-depożiti biex iħallas imgħaxijiet u ma jkunx jista’ jkompli jħallas lura.
Scicluna qal li huwa jispera li din l-iskema mhux biss ma tiksirx il-liġi imma tirrispetta l-ispirtu tagħha u sostna li meta tissellef irid ikollok ‘prospectus’ fejn tgħid għal xiex qed tissellef somom kbar, trid tagħti lil min se jsellfek ‘business plan’ u trid tgħid x’beħsiebek tagħmel bihom bħal jekk sejrin għal xi proġett jew biex tħallas xi dejn.
Il-Ministru tal-Finanzi semma li wieħed irid ikun jara jekk id-dejn hux qed jitħallas lura jew jekk hux ‘non performing’ għax fil-każ tal-aħħar dan irid jiġi nkluż fil-‘prospectus’.
Huwa staqsa min se jipprovdi għas-sigurta tad-dejn tal-PN fejn semma li normalment ikollok xi ħadd li jagħmel tajjeb u jkun hemm ‘underwriting’ ta’ xi ħadd li jekk il-partit jiġi fl-inkwiet u ma jkunx kapaċi jħallas allura jkun hu li jagħmel tajjeb għad-dejn.
Scicluna semma wkoll li jekk individwu jissellef somma darba m’għandux bżonn liċenzja finanzjarja imma jekk tkun ta’ iktar minn darba allura s-sitwazzjoni tkun differenti.
Huwa rrefera għall-kwistjoni tal-evażjoni tat-taxxa u t-trasparenza u staqsa kif il-Gvern se jieħu dak li hu tiegħu fejn tidħol il-‘witholding tax’. Huwa staqsa jekk dan se jitħallasx mill-individwu jew le u wissa li l-anonimat ta’ din l-iskema tista’ twassal għal ħasil tal-flus.
Waqt li qal li jistenna li l-PN jagħti kull informazzjoni li għandha tingħata lill-awtoritajiet, Scicluna qal li anke l-awtoritajiet tal-konsumatur għandhom jaraw li l-pubbliku jkun protett.
Fuq nota ġenerali, irrefera kemm għall-iskema taċ-ċedoli tal-PN u l-każ tal-Panama fejn saħaq li m’għandhomx jintużaw biex jibbilanċjaw lil xulxin għax dan ikun ħażin.
Huwa qal li fir-rigward tal-Panama ma kien se jiddefendi jew jakkuża lil ħadd u sostna li jekk u kif inkisret il-liġi wieħed għad irid jara, għalkemm irrimarka li meta wieħed jgħarbel isib li proprozjon kbir tagħha huwa politiku.
Scicluna sostna li fil-każ tal-partit, il-mexxej irid jieħu deċiżjoni politika u wieħed għandu jixtarr il-konsegwenzi u jieħu deċiżjonijiet iebsa imma bżonjużi, waqt li saħaq li din l-‘issue’ trid tiġi riżolta llum qabel għada.
Mit-tliet kelliema Nazzjonalista li tkellmu fis-seduta tal-lejla, Mario de Marco u Kristy Debono tkellmu dwar il-Panama Papers biss mentri d-deputat Claudio Grech irrefera wkoll għall-iskema taċ-ċedoli fejn waqt li qal li l-PN tkellem dwarha semma kif din l-iskema ma kinietx xogħol il-Grupp Parlamentari Nazzjonalista imma kienet fil-livell ta’ amministrazzjoni tal-partit.
05.04.2016
4 responses to “L-iskema tal-PN turi problemi mal-banek”
This piece of writing provides clear idea for the new viewers of blogging, that really how to do running a blog.
What’s up Dear, are you truly visiting this site on a regular basis, if so afterward you will absolutely
take fastidious know-how.
Currently it seems like BlogEngine is the preferred blogging platform
out there right now. (from what I’ve read) Is
that what you are using on your blog?
Fastidious respond in return of this matter with real arguments and describing everything regarding
that.