L-Ewro Parlamentari Ewropew Laburista l-Professur Edward Scicluna tkellem dwar l-interpellanzi li għamel f’żewġ laqgħat separati tal-Kumitat għall-Affarijiet Ekonomiċi u Monetarji (ECON)  mal-Kummissarji Olli Rehn u Jaochim Almuni. Il-Professur Scicluna li kien il-mistieden fuq il-programm Dot eu fuq TVM qal li lill-Kummissarju Olli Rehn għamillu mistoqsija dwar it-trasparenza meta ir-Rapporti Nazzjonali ta’ Riforma ikunu mressqa quddiem il-Parlamenti Nazzjonali, u lill-Kummissarju Almunia dwar id-dewmien fin-negozjati dwar ir-ristrutturar tal-Air Malta.